Muoná ja Eanodaga jođiheaddji doavttir Sirpa Mikkola ávžžuha buohkaid, geat johtet Giehtaruohttasis ja Gilbbesjávrri guovllus, bassat gieđaid bures sáibuin čoavjedávdaepidemiija geažil. Mikkola deattuha, ahte ii galgga borrat maidege ovdalgo lea bassan gieđaid sáibuin.
Gieđaid desinfiseren ii veahket seammalahkái go sáibočáziin bassan.
Maiddái meahccejohttit berrejit vuoššat gáldočázi dassážii, go ožžot sihkkaris dieđu dávdda dagaheaddjis, dadjá jođiheaddji doavttir Mikkola.
Giehtaruohttasa guovllus leamašan jođus váttes čoavjedávdaepidemiija. Oasi meahcis buohccán olbmuin leat gártán evakueret mohtorgielkkáiguin dahje helikopteriiguin.
Lappi buohccedikšunbires jáhkket, ahte váttuid lea dagahan virus, muhto vel ii leat goittotge áibbas sihkkaris diehtu das, mii lea sivvan čoavjedávddaide.
