Olimpiala Ludi en Seoul, 1988

L'Olimpiala Ludi en Seoul, 1988, od oficale la 24ma Olimpiala Ludi, esis internaciona plursporta konkurso qua eventis en 1988 en Seoul, Sud-Korea. Lore duesmafoye l'Olimpiala Ludi eventis en Azia, le unesma eventis en Tokyo, Japonia, en 1960.

La Ludi komencis ye la 17ma di septembro e finis ye la 2ma di oktobro 1988. Partoprenis 8.391 atleti (6.197 viri e 2.194 mulieri) de 160 landi o teritorii qui havas Olimpiala komitati. Esis 263 eventi de 26 sporti.

Ye la 30ma di septembro 1981 en Baden-Baden, West-Germania, elektesis l'eventeyo di L'Olimpiala Ludi en 1988. Seoul ganis la konkurso kontre Nagoya, en Japonia.

Kandidata urbi por Olimpiala Ludi 2000: rezulti
Urbo	1ma baloto
Seoul	52
Nagoya	27

• Nord-Korea, Albania, Kuba, Madagaskar e Seycheli boikotis l'Olimpiala Ludi.
• Aruba, Usana Samoa, Cook-Insuli, Guam, Maldivi, Vanuatu, Santa Vincent e Grenadini e Sud-Yemen partoprenis unesmafoye l'Olimpiala Ludi. Anke Brunei partoprenis unesma-foye, per sendar nur 1 natisto.
• Sovietian atleto Vladimir Artyomov ganis 5 medalii - 4 ora ed 1 arjenta - por gimnastiko.^[1]. Gimnastikino Daniela Silivaş de Rumania ganis sis, de qui 3 ora.^[2]
• Kanadana atleto Ben Johnson vinkis la 100 metra-kurado, ma desqualifikesis pos probo kontre dopado. Johnson akuzis André Jackson^[3], amiko di lua rivalo Carl Lewis, pozir la dopivo en lua manjajo o drinkajo.^[3]

• Usan atletino Florence Griffith Joyner ganis tri ora medalii por kurado (per 10.62 sekundi) e 200 metra-kurado (per 21,34 sekundi) ed establisis du mondala rekordi por mulieri, qui restas til nun. Pos l'Olimpiala Ludi el anuncis elua retreto de konkursi.^[4].
• Kanadana maristo Lawrence Lemieux esis la duesma rangizito e povus ganar la konkurso pri seglo-bateleto, ma il livis la konkurso por sokursar vundita konkursanto. Ilu arivis kom 21ma rangizito ma ganis la Medalio Pierre de Coubertin pro demonstrar sportala spirito.^[5]
• Anthony Nesty, natisto de Surinam, ganis l'unesma ora medalio por lua lando pos vinkir la konkurso pri 100-metra natado segun papilion-stilo e superirir la favorato, Usana Matt Biondi, per 0.1 sekundo.
• Eventis demonstrado di judoo* por mulieri unesma-foye en l'Olimpiala Ludi.^[6]
• Natistino Kristin Otto de Est-Germania ganis 6 ora medalii.
• Tabloteniso divenis olimpiala sporto. Popul-Republiko Chinia vinkis la konkurso por vira pari ed individuala mulieri, e Sud-Korea vinkis la konkurso por individuala viri e muliera pari.^[7]
• Teniso itere divenis olimpiala sporto, pos 64-yara interrupto. Steffi Graf, championino che 4 Grand Slam, vinkis Gabriela Sabatini e ganis ora medalio.^[8]
• En lia lasta partopreno en l'Olimpiala Ludi, Sovietia ed Est-Germania ganis plu multa medalii kam Usa.

Yen la listo di landi qui recevis adminime 1 medalio en Seoul, 1988.

#	Lando	Ora	Arjenta	Bronza	Entote
1	Sovietia	55	31	46	132
2	Est-Germania	37	35	30	102
3	Usa	36	31	27	94
4	Sud-Korea	12	10	11	33
5	West-Germania	11	14	15	40
6	Hungaria	11	6	6	23
7	Belgia	10	12	13	35
8	Rumania	7	11	6	24
9	Francia	6	4	6	16
10	Italia	6	4	4	14
11	PR Chinia	5	11	12	28
12	Unionita Rejio	5	10	9	24
13	Kenia	5	2	2	9
14	Japonia	4	3	7	14
15	Australia	3	6	5	14
16	Yugoslavia	3	4	5	12
17	Chekoslovakia	3	3	2	8
18	Nova-Zelando	3	2	8	13
19	Kanada	3	2	5	10
20	Polonia	2	5	9	16
21	Norvegia	2	3	0	5
22	Nederlando	2	2	5	9
23	Dania	2	1	1	4
24	Brazilia	1	2	3	6
25	Finlando	1	1	2	4
25	Hispania	1	1	2	4
27	Turkia	1	1	0	2
28	Maroko	1	0	2	3
29	Austria	1	0	0	1
29	Portugal	1	0	0	1
29	Surinam	1	0	0	1
32	Suedia	0	4	7	11
33	Suisia	0	2	2	4
34	Jamaika	0	2	0	2
35	Arjentinia	0	1	1	2
36	Chili	0	1	0	1
36	Kosta Rika	0	1	0	1
36	India	0	1	0	1
36	Iran	0	1	0	1
36	Nederlandan Antili	0	1	0	1
36	Peru	0	1	0	1
36	Senegal	0	1	0	1
36	Virgin Insuli Usana	0	1	0	1
44	Belgia	0	0	2	2
44	Mexikia	0	0	2	2
46	Kolumbia	0	0	1	1
46	Djibuti	0	0	1	1
46	Grekia	0	0	1	1
46	Mongolia	0	0	1	1
46	Pakistan	0	0	1	1
46	Filipini	0	0	1	1
46	Tailando	0	0	1	1
Totali		241	234	264	739