Fréttasafn

Fyrirsagnalisti

Skemmtiferð MIH í verksmiðju Steypustöðinnar - 10. apr. 2026

Kæri félagsmaður, 

við vekjum athygli á vísindaferð félagsins til Steypustöðinnar í Borgarnesi. 
Þar verður skoðuð einingaverksmiðjan þeirra og boðið upp á samtal. 
Rútuferðir frá Bæjarhrauninu 14:30 föstudaginn 17. apríl. 

Sjáumst þar. 
Skemmtinefnd MIH.

Golfmót MIH 19 júní - 10. apr. 2026

Kæri félagsmaður, 

Föstudaginn 19 júní mun golfmót MIH 2026 fara fram. 
Fyrirkomulag móts er Texas scramble og skrá þarf tvo&tvo saman (muna að gefa upp forgjöf og kennitölu þegar þar að kemur).

Mótið í ár verður haldið á suðureyjunni fögru, Vestmannaeyjum og hefjast leikar kl 12:00. 
Boðið verður upp á rútuferðir fyrir þá sem það kjósa. 

Til að taka þátt: 
Vinsamlegast sendið tölvupóst með: Fullu nafni, kennitölu, forgjöf og hvort þið ætlið að fara með rútunni. Skrá þarf tvo og tvo saman. 
Þátttökugjald, 15.000 krónur á manninn. Innifalið er rútuferðir, vallargjald, nesti að loknum 9 holum og kvöldverður. 

Skráningarpóstur verður sendur 20 apríl. 

Kveðja 
Skemmtinefnd MIH

Árshátíð og aðalfundur MIH - 9. feb. 2026

Árshátíð og aðalfundur Meistarafélags iðnaðarmanna í Hafnarfirði var haldinn á Hótel Selfossi 7 febrúar síðastliðinn. Skemmtu félagsmenn og makar sér konunglega yfir helgina í höfuðborg Suðurlands. Hjálmar Rúnar Hafsteinsson hætti sem varaformaður félagsins og var veitt heiðursviðurkenning frá félaginu fyrir vel unnin störf um árabil. Auk hans fengu Haukur Gunnarsson og Kristinn Kristinsson viðurkenningu fyrir stjórnarsetu. Friðrik Ólafsson fyrrverandi framkvæmdastjóri félagsins fékk einnig viðurkenningu fyrir áralanga vinnu í þágu félagsins.No description available.  Heiðursviðurkenningarhafar ásamt formanni og framkvæmdastjóra félagsins. 

Félagsmenn og makar dönsuðu svo undir tónlistarflutningi Selmu Björns og í kjölfarið Sérsveitarinnar ballsveitar. Bolli Már Bjarnason sá um uppistandi og veislustjórn og hjálpaði gestum að dilla sér og veifa handþurrkum svo fátt eitt sé nefnd. 
Stjórn og skemmtinefnd félagsins þakkar kærlega fyrir þátttökuna um helgina. 

Aðalfundur MIH - 28. jan. 2026

Aðalfundur félagsins verður haldinn á Hótel Selfossi 7 febrúar næstkomandi. Hefðbundin aðalfundarstörf hefjast kl 13:30. Árshátíð félagsins verður haldin í kjölfarið og hafa fjölmargir félagar bókað sér gistingu bæði á föstudegi og laugardegi.

Sjáumst sem allra flest.
Kveðja

Skemmtinefnd MIH

Lesa meira

Bæjarstjórn Hafnarfjarðar óskaði eftir umsögn MIH - 19. jún. 2025

MIH fékk nýja húsnæðisáætlun Hafnarfjarðar til umsagnar. MIH fagnar því að Hafnarfjarðarbær leiti umsagnar félagsins, hefði þó viljað lengri frest en skilaði umsögn á tilsettum tíma. Hér er frétt um málið, ásamt umsögninni, á heimasíðu SI, https://www.si.is/frettasafn/mih-fagnar-vandadri-husnaedisaaetlun-hafnarfjardar. Hægt er að nálgast drög að húsnæðisáætluninni á heimasíðu Hafnarfjarðar, reyndar á bæjarstjórn eftir að staðfesta hana, fundur Skipulags- og byggingarráð fundur 827 liður no. 11 .