Dagana 9.-11.mars heimsóttu ÍSAN kennararnir Hanna, Sigrún E og Sigrún G verkmenntaskólann KBS í Nordhorn í norðurhluta Þýskalands. Þetta var svokölluð starfskynning eða jobshadowing í gegnum Erasmus+. Markmiðið var að kynna sér móttöku og kennslu innflytjenda við skólann. Farið var í margar ólíkar kennslustundir og fengu þær að taka þátt í tungumáladegi sem haldinn er annað hvert ár við skólann þar sem nemendur kenna sín tungumál og kynna með öðrum hætti lönd sín. Mjög áhugavert og vonandi eitthvað sem FÁ tekur upp. Í heildina var heimsóknina sérlega vel skipulögð og lærdómsrík.

Í gær var opið hús í FÁ fyrir 9. og 10.bekkinga, forráðamenn og aðra áhugasama. Það var mjög góð mæting og frábær stemning. Við þökkum öllum fyrir komuna og vonumst til að sjá sem flesta á næstu önn.

Ákveðið hefur verið að fella niður skólahald í Fjölbrautaskólanum við Ármúla á morgun, fimmtudaginn 26. mars vegna veðurs. Gul viðvörun er á höfuðborgarsvæðinu frá klukkan 5:00 til 7:00 í fyrramálið og eftir það tekur appelsínugul viðvörun við og er í gildi til klukkan 13:00. Búast má við talsverðri snjókomu á höfuðborgarsvæðinu sem muni líklega valda slæmu skyggni og versnandi færð. Einnig er hætta á foktjóni. Almannavarnadeild ríkislögreglustjóra beinir því til fólks að sleppa því að vera á ferðinni ef það getur. Við teljum þessa ráðstöfun nauðsynlega til að tryggja öryggi nemenda og starfsmanna skólans.

Mario Kart World tölvuleikjamót FÁ fór fram í gær en nemendur í rafíþróttaáfanganum RAFÍ2SM03 sáu um að skipuleggja mótið. Tæplega tuttugu nemendur tóku þátt og var stemningin í hópnum mjög góð. Eftir spennandi keppni stóð Kacper uppi sem sigurvegar og fékk 20.000 kr inneign í Elko í verðlaun. Jason endaði í 2. sæti og vann eintak af tölvuleiknum Super Mario Party Jamboree í boði Ormsson og Júlía var í þriðja sæti og fékk inneign hjá Next Level Gaming. Allir þátttakendur fóru í lukkupott og gátu unnið inneign hjá NINGS og Next Level Gaming.

Nemendur á sérnámsbraut fóru í skemmtilega ferð í Perluna í síðustu viku og hér má sjá myndir frá heimsókninni.

Kvikmyndahátíð framhaldsskólanna var haldin dagana 14.-15. mars í Bíó paradís. Að venju var skipulagning hátíðarinnar í höndum nemenda FÁ en þau Benjamín, Búri, Hafþór, Iðunn, Ingigerður, Sara, Steinn Torfi og Sölvi sem og kvikmyndakennarinn þeirra Atli, eiga hrós skilið fyrir flotta skipulagningu og glæsilega hátíð.

Önnur fjallganga annarinnar var farin síðastliðinn laugardag, 14. mars í blíðskapar veðri. Hrönn og Guðmundur Freyr fóru með tæplega 30 nemendur í gönguna. Var gengið neðan við Móskarðshnjúka, meðfram Leirvogsá og að Tröllafossi sem var glæsilegur í klakaböndum. Næsta ganga er áætluð 21. mars og þá er ferðinni heitið yfir Einbúa.

Nemendur í fjölmiðlafræði gáfu út skólablaðið Steypan núna í febrúar. Hér birtum við grein úr blaðinu eftir Mínervu Geirdal Freysdóttir og Salma Bennarsi.

Nemendur í fjölmiðlafræði gáfu út skólablaðið Steypan núna í febrúar. Hér birtum við grein úr blaðinu eftir þá Daniel do Carmo Njarðarson og Kacper Hryniewicki.

Tveir kennarar og þrír nemendur Fjölbrautaskólans við Ármúla fóru til Serres í Grikklandi í síðustu viku í tengslum við Erasmus+ verkefnið We Shape the Future. Í ferðinni fengu þátttakendur frá Íslandi, Grikklandi, Tyrklandi og Ítalíu fræðslu um gagnaukinn veruleika og með hvaða hætti er hægt að nýta tæknina í námi og kennslu. Hópurinn ferðaðist einnig um landið og skoðaði meðal annars Alistrati-hellirinn og borgina Þessalóniku. Frá Fjölbrautaskólanum við Ármúla fóru þau Andri Ingvason raungreinakennari, Bjarki Þór Jónsson tölvukennari ásamt nemendunum Ester Sól, Söru Jóhönnu og Oliwiu.