Guido Schjølberg var ein norsk målar, grafikar og teiknar, som i all hovudsak henta motiva sine frå fødebyen Kragerø. Han var elev av målaren Christian Krohg.
Guido Schjølberg
Faktaboks
Guido Schjølberg
Guido Andreas Schjølberg
- Fødd
- 30. mai 1886, Kragerø
- Død
- 22. desember 1976, Oslo
- Virke
- teiknar, målar, grafikar
- Verkestad
- Kragerø
- Familie
-
son av skulestyrar Halvdan Sverre Schjølberg (1852–1936) og Gustava Beate Heggen (1863–1952)
gift i 1927 med Magdalena Kjeldby (fødd 1897)
Kunstnaren Guido Schjølberg
Av
Telemark museum/Telemark museum / digitalmuseum.no.
Lisens:
Avgrensa gjenbruk
Bakgrunn
Fødebyen Kragerø var eit hovudmotiv for Guido Schjølberg gjennom heile karrieren. Lilletorget, akvarell (ca. 1950)
‹‹Lilletorget››, akvarell (ca. 1950)
Av
Guido Schjølberg/Telemark museum / digitalmuseum.no.
Lisens:
CC BY ND 4.0
Schjølberg tok juridisk embetseksamen i 1908. Eit par år seinare, i 1910–1911, studerte han på Statens kunstakademi i Kristiania under Christian Krohg. Han drog til Paris i 1911, der han var elev under målarane Raoul Dufy og André Lhote, og mellom 1913 og 1915 var han elev på Statens Håndverks- og Kunstindustriskole under grafikaren og målaren Johan Nordhagen. Gjennom livet drog han på studiereiser til København, Frankrike og Spania, men også til meir heimlege trakter, som Setesdal.
Han fekk stipend frå Unge Kunstneres Samfund i 1930, og frå 1930 til 1937 var han sekretær i Oslo Kunstforening.
Motiv og stil
I likskap med Theodor Kittelsen var Schjølberg inspirert av miljøet i småbyen, med hus, tronge smau og menneske.
«Torvet i Kragerø», radering (ca. 1910–1930)
Av
Guido Schjølberg/Telemark museum / digitalmuseum.no.
Lisens:
Avgrensa gjenbruk
I likskap med målaren Theodor Kittelsen var Schjølberg inspirert av miljøet i småbyen, med hus, tronge smau og menneske. Skildringa av Kragerø hos Schjølberg er likevel utan den bitre snerten som ein finn hos Kittelsen. Med stor kjærleik teikna og måla Schjølberg byen til alle tider på døgnet og i all slags vêr, dei mange taka i Kragerø sett ovanfrå heiane, hus som stør seg mot einannan, og underfundige og poetiske skildringer av livet i dei tronge gatene.
Også i tida han oppheldt seg i utlandet, for det meste i Paris, kunne motiva hans minne om bilda frå Kragerø. I mange år budde Schjølberg på Skåtøy i skjergarden utanfor Kragerø om sommaren, der han måla tre, svaberg og havbukter med både sommarblomstrar og haustleg fargeprakt. Teknikken og fargebehandlinga hans minner mest om dei seine impresjonistane, og skildringa av fødebyen og innbyggarane der har dessutan naivistiske trekk.
Offentlege arbeid
Utvalde utsmykkingar og verk i offentlege samlingar:
- Oslo Bymuseum
- Bergen Billedgalleri
- Berg-Kragerø museum
- Nationalmuseum, Stockholm
- Oslo kommunes kunstsamlinger, Bodø og Sarpsborg kunstforeninger
- Kragerø rådhus
Illustrasjonsarbeid
- Årsmapper Norsk Forening for Grafisk Kunst 1926–1940
Utstillingar
Utvalde separatutstillingar
- Oslo Kunstforening, 1932, 1936, 1943, 1948, 1956
- Trondheim Kunstforening, 1933, 1937, 1941, 1951
- Drammen Kunstforening, 1938, 1948
- Bergens Kunstforening, 1941, 1956
- Christianssands Kunstforening, 1946
- Tønsberg Kunstforening, 1948
- Kragerø Kunstforening, 1949
- Blomqvists Kunsthandel, Oslo, 1950
- Kunstnerforbundet, Oslo, 1968
- Minneutstilling, Galleri Kragerø, 1976
Utvalde kollektivutstillingar
- Høstutstillingen, 1911–1912, 1916, 1924, 1926, 1928–1930, 1933, 1936–1940, 1946, 1947, 1949, 1959
- Jubileumsutstillingen, Kristiania, 1914
- Bergens Kunstforening, 1915
- Oslo Kunstforening, 1923–1935
- Nordisk grafik, Stockholm, 1924
- Nordisk grafik, København, 1925, 1937
- Nordisk grafik, Helsingfors, 1931, 1939
- Verdensutstillingen, Paris, 1937
- Nasjonalgalleriets retrospektive utstilling over norsk kunst, 1940
- Den Officielle Norske Kunstudstilling, København, 1947
- Norsk grafikk, Lausanne, 1950
- Kragerø i malerkunsten, Oslo Kunstforening, 1950
- Norske grafikere 40 år, Kunstnernes Hus, Oslo, 1960
- Norske grafikere 50 års jubileumsutstilling, Kunstnernes Hus, Oslo, 1969
- Kragerømessen, 1962, 1966
Eige forfattarskap
- Kragerø og kunstnerne, Kunst og Kultur, 1934, s. 111–126 (illustrasjon)
- Kunstnere som har benyttet Skåtøy som arbeidssted, Sannidal og Skåtøy. Bygdebok, Kragerø, 1953, band 3, s. 347–350
Les meir i Store norske leksikon
Litteratur
- Eli Ingebretsen og Olaf Willums, Om grafisk kunst, Oslo, 1928, s. 76, 79, 100, xxxv
- Studentene fra 1903, Oslo, 1928
- Kristofer Sinding Larsen, Norsk grafikk i det tyvende århundre, Oslo, 1941, s. 51–52, 59, 104
- Reidar Revold, Norges billedkunst, Oslo, 1953, band 2, s. 78
- Inger Sandberg, Kunstnerliv i Kragerø, Kragerø, 1966, s. 27
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.