سلاماََ عليك لـ نـور الله by نور الله

كلمات واداء :.نور الله الكلمات \ سلاماً عليك..يا من بروحي حبيت لسايا بتمناك / انت مشيت انا استنيت فأول لقانا هناك.. بعدت..فبعدك علم فجوف الروح عمرك شوفت روح بتعيط.. شروخ وعياط / ونوح بني سفينته ف صحرا بدون ما يبوح وبنات متخيطة فالوجع.. فتبعت آمر لهذا القلب..فيصبح لوح روح بتناجي لآخر نفس.. وبتقول مدد يا آهل الله.. ليه نكرر كام مشهد وداع وأيد بتسيب إيد.. كان في وعد انك متبت فيها.. انك فاحتياجي هنا / وقت اما اريد ما تجرب كدا ترجع وانا اسامح! هل هسامح؟ مزروع جوا ضلوعي.. هل إنت لامح! * * * يعدي الليل وانا شايفة.. تفاصيل ملامحه بالسحاب صوتي ينادي..انا برتعش انا خايفة في مسافة واسعة فرحاب عيون بتبكي.. ثم تحضن من بعيد / ثم نكرر ثم نعيد كسبنا إيه؟ غير وجع فقلوبنا.. يا رب ليس سواك يهدي / توهانا فدروبنا ساكت ليه ما تتكلم..ما تيجي حتي وتسلم هتفضل بعيد فنتألم / وينزف بكا الشرايين.. * * * بعلن.. إن انا ضعيفة متعلقة بيك / كالطفلة السخيفة دا كفايا البعاد / قبض القلب قبض كما الباكي فوسط البحر.. كما الشاكي علي الانقاض.. ولا بحره دا بيساعه / ولا موجه دا بيضمه ودموعنا أهي بتخلص.. من كتر جريانها علي الخدين وجفونا اهي بتدبل / هل حد سمع الآه! ضمونا واغزوا جراحنا.. هل تسمعني يا الله؟؟ * * * أنا الواقعة ف اعمق حفرة.. ومتشعلقة فالهوا / وبطلب منك انت الدوا انا جوايا متشقق.. محتاجة الصمه / محتاجة لحام وهبلنا ضحكة مثلاً خام.. وبدل المنوم / طبيعي انام اصل ليلي بيطول.. وكمان انا ببكي وبصرخ.. بس إنت اصلاً سامعني! طب ليه تسيبه واجعني / وتعري ضعفي قدامه * * * هوا طيب يا ربنا..مبطلبش ابداً ملامه فأرجوك لم شملنا.. هوا عاصي بس ناسي /فطبطب علي قلوبنا هوا خايف / خوفه زايف بس اهو بيقول راجعلك.. إنك رحيم وانت شايف.. طيب بلاش / هقفل الفلاش اصلي بفضل العتمة / فهقف فشباكي وفمعادنا ما انا بفضل طول يومي كاتمة.. بس روحي بتناجيك / وبتبكي ومين سمع الصدي! * * * يا ربنا انا راضية / بالمقسوم وبالقضي لكن ايتها الشوارع المحزنة.. ممكن تحكيله / انا كام مرة بكيت وكام مرة فغيابه انا قاسيت.. ولقيت من الغريب الطبطبة ممكنة.. لكنهت مهيش منه / فكانت النتيجة مؤلمة ايوة انا بحتاجك.. منيش من ساب لكن فكرة رجوعك ليا / طفيف امل خاب رحيلك من هذا السكن جوايا.. سلاماً عليك.. انا هنا وفجأة البعاد بينا حايل.. مع إنك فوقت ضعفي قايل الدنيا مهما تقسي واتغرب.. مش هنبعد ودايماً هنقرب * * * - #نور_الله