Kulturminister er ein politikar som er medlem av regjeringa og har ansvar for alt staten gjer for kultur. Lubna Jaffery frå Arbeidarpartiet er minister både for kultur og likestilling.
Ein kulturminister er leiar for kulturdepartementet. Eit departement er ei stor gruppe politikarar og fagpersonar som jobbar for ein minister.
Det er statsministeren som bestemmer kven som skal vere minister i dei ulike departementa. Ein minister blir også kalla statsråd.
Kultur er ting menneske skaper, for eksempel kunst og underhaldning. Kulturministeren i Noreg er minister for det meste av kunst, musikk og litteratur.
Kulturministeren er ein av medlemene i regjeringa. Som oftast er det 15–20 medlemer i ei regjering i Noreg. Kvar minister har ansvar for kvar sine område og leiar kvart sitt departement. Statsministeren og ministrane møtest kvar veke for å diskutere korleis dei skal styre landet.
Dei som jobbar i departementet, hjelper kulturministeren med å gjennomføre det regjeringa bestemmer seg for å gjere innanfor kultur og likestilling.
I tillegg til kultur og likestilling skal kulturministeren passe på politikken til staten på desse områda